مالا كيفي أنا ساعة ساعة لازم تنسى

كيما نوض على الصباح
نحل عينيا نشوف شي ما تبدل
الدعوة هي هي
عمبالي النهار عندو بزاف ملي بدا
الشي اللي ماعمباليش : وش راح ندير اليوم هادا؟
النوم يقولي غير أقعد في سريرك
اليوم باه تنوض آآآى بسيف عليك
لاكان على الساعة ههه مازال الحال آي الـ10
و واش راح ندير مع السخانة و الفشلة ؟؟؟
مالا فهمني كي تولي فنيان ،
وعلاه لتم يزيد يحلالك التخمام
حياتك تشوفها هنايا بحداك،
تتفكر الماضي الحاضر و المستقبل
ومن بعد تبدا تديقوتي
الشي هادايا أكل يولي يبانلك لا روتين
لاكان ماتحبسش الحياة تولي ماصلة
مالا كيفي أنا ساعة ساعة لازم تنسى
خليـــــــــــــــــني ننســـــــــــــــــــــــــــــــــــــى
الكور تاعي مور وراسي بدا يدور
ألور واش ندير ؟؟ نشعل طول بارابول
في لا سيتي الناس زاهيين عايشين
و أنا راني مديقوتي وعينيا مدعمشين
وش ندير نوض من الفراش
نشوف روحي في المرايا يا لطيف هاداك الفيزاج
وجهي منفخ راح فيها خلاه
عينيا خارجين شعري داخل في بعضاه
ماكانش مشكل ههه سي با غراف
شويا آش دو زو و من بعد كلشي يتريقل
أنــــــــــــــــا : نقولك الحق المرايا مني تخاف
خاطاك نرخسها وجامي نشوفها بزاف
هي تهبلك تمرضك تخلطك
على قد ما نتا تزيد تعدل هي تحب تخربطك
لوكان تتبعها حياتك تولي ماصلة
مالا كيفي أنا ساعة ساعةلازم تنسى
خليـــــــــــــــــــــــــــــــــنيننســـــــــــــــــــى
كي حكمتني القلقة والديقوطاج جاني
حبيت نروح نحوس ونحي على بالي
بصح ندمت كي خرجت من داري
خاطاك خدعتني فوزية غوماري
قالت في النشرة غدوا الحال مليح
وعلاه ماهدرتش باللي السخانة راح تطيح
على جالها ضربتني الشمس عدت نكالي
من الدوخة والشمس عدت نقول داني داني ...ههه
وحنا في الكارتي من السخانة شحنا
حل واحد نحي بيه المحنة
نلمو رواحنا ونروحو للبحر
وحدي في الما نعوم وحدة وحدة
لتما ننسى الهدرة والحرزة
لتما ننسى باللي الدعوة حابسة
لتما ننسى الفيزا و فرنسا
لتما ننسى باللي جامي ننسى

ههههههههه ..... أوااااااااااااااه لازم تنسى

واش رايكم في هاد الموضوع

تقراوه وتنساوه ولا ماتنساوهش ؟؟؟ قولوا :....؟

أيا هادو ليكم

غن شا الله يعجبكم