حوايج صراولنا بكري خلاه ، حنا الجزائريين ( سياسة الكاميزول )

لازم تفهم باه تعرفني أنا مليح

ماني ضعيف ماني صحيح ماني عاقل ماني قبيح

آني جوست كيما الناس

اللي ماشهم قابلين

يشوفو العوج ويبقاوا ساكتين

آني خارج من هاد الجيل اللي عاش الموت
اللي والف بالقنابل المسيلة للدموع
كبرنا مع الصوت نتاع الرافال طول لليل
ساعات مع الصباح قبل مانروحو للي كلاس
نهزو من الأرض هادوك لي دُوِي تاع الرصاص
شفنا الخوف والخاين اللي كان يخون
شفنا لي بلاندي اللي كانو يصيبوا في الما السخون
الغاشي يعفس خوه
يجري هنا ولهيه
يطيح في الأرض و لي رونجاس يكملوا عليه
عشنا لي فو ديتا،ليزاتونتا ،
كنا صغار ونفرقوا بين البيا والبيريتا
بار إتاب ، شفنا الطوفان كيفاش هاج
كي تفلق الباراج من لي ديسكور تاع بلحاج
اليوم كبرنا بصح مُخْنَا تكاشا سور لا فيولونس اللي صارت والدم اللي كان يسيل
قلبنا تعبا بلي كريم واللي درام
ونخاف على الجيل الجاي لا يعاودولو لبروغرام

...............

.....

هادي كانت تشبه الشي اللي كان بابا يقولي عليه

ودركا راك فهمت ماكالاه بسيكولوغ يفسرلك علاه الشعب كي يهيج يهز لي بلوك ،

يضرب لا دروغ و يغريسي بالحديد

أفهم الناس اللي يهزو لي كابا بيهم بولادهم ديريكسيون للغربة
خاطاك في بلادهم قالولهم ما تصلحوش
هاد البلاصا تاع وحوش ، صحاب الكتف و الكروش
دركا فهمت علاه لي جان كرهو يقراوا
قالولهم بلي الصوارد هوما اللي يبقاوا
هوما اللي قواوا الناس اللي كانوا دواب
قداه نشركةديريكتورها كان قواد
تقول عليه جيفا كي يعوج فموبالتشناف ...
ماشني عليه برك خاطاك منو آو كاين بزاف
تقول خرجو من كرش وحدة تاع حيوان زاحف
و نتحي الزوالي اللي يدور بلي بيكي
اللي يبيع الشما و الغولواز
مخنا تخدر ، دارولو كاميزول
حطوه في أن بوكان مع لي كيت تاع الآزوت
عدنا الكل فشلانين تقول ضربونا بالفوسفات بلان
راح الفرق بين البيا وبين المال
بين الفو و النورمال
بين التريست والفرحان
حطولنا الحرام في العروق
نص العباد في الهبال
مام الإيمان اللي في قلب الإمام داوه ليامات
وقلبوه كريمينال
يفتي للناس باه يامورسيوا في لاماس
ويحطوا لمسامر في القراعي تاع الغاز
لي جان خلاه ، البورتابل ولا حبيبهم
فيه ليزيماج تاع لي مارينز اللي يذبحوا فيهم

القرآن يغنغن والموس في الرقبة يغلغل و الدم يغرغر

على هاديكا المخ تاعنا تخلخل

أقعد تخمم تلقى قلوبنا مقلوبين

آم دارولنا الدم قودرون في بلاصت الهيموغلوبين

الجمعة ولات روتين

يروحويبوانتيوا في الجنازة غير يحكيوا

مابغاوش خلاه يبكيوا

عقولهم تكفنوا
ماكانش خلاه اللي كيفهم

وحدك تفهم باللي واحد مكتفهم، مغلفهم

طول مرقدهم..هادايا سي لو رول تاع سياسة الكاميزول

هادا هو الصح ، الله غالب

تقبلوا تحياتي الحارة