حال الحكام العرب ............ الله غالب

آو جاك كلامي كالعادة آو مشارجي فيه دي بومب

السامبول تاعو آو نجمة في وسط هلال

مالا هات كاش ماعندك هنا 40 محامي خاطاك كلامي عالي سخون يلهب وحامي

ماتديرش بحالي المواضيع تاعي انتحارية

حاب تحارب الشر بالموعظة

ماش بلي بيريتا ولازونتا تاع القاعدة

على هاديكا رانا هنا ديما بري ديما صابرين

ديما صادمين و الصوت ماش وحا يدوم

مام لاكان جابو لي ترو باه يوكللولنا تراب ودود

مالا مادام الظلم يدور والشعب مازال مظلوم

يبقي يغني قسما بلافارسيون تاع معطوب

أقراه بيا خويا دايا كلامي

آو ديما كاوي ديما قاعد يريكلامي

لازم في كل بلاصا نخلي لاطراس

كلامي ذهب خالص يكره العباد الرخاس

خاطاك شْبَعْنَا بْخَايْصْ كي شفنا قداه نرايس

ولاو كي العرايس قدم كوندوميزا الرايس

لبسوا لمقايس ولي مونوت في اليدين

واحد ماحب ينوض باه يدافع على هاد الدين

كانو راقدين

خلاو العوج وحدو خرج

يستاهلو كيما بوش ضربة بالسباط للوجه

نحبس هنا ماكالاه نزيد نكمل

خاطاك هنا في بلادنا دستورنا يقول :

حرية التعبير تجيب حرية التعذيب

مي نقولهم باللي أنا مانخافكمش

في أي وقت شفت الظلم راني هدرت

ونزيد نقولكم حاجة أشفاوا عليها مليح :

كلامي ماشو قاصر مادام قاصد النور اللي جابو أبا القاسم

كلامي ناصع و في القلوب راه يتسجل

كلامي ماشو فاشل يعرف وكتاه يترجل

وكلامي ماشو فاجر بصح قادر يتفجر

ان شاء الله يعجبكم هاد الموضوع

تحياتي مرسولة إليكم فتقبلوها !!!!!!!!!!!!!