لوكان ما جيتش أنا أشكون راح نكون ؟؟؟؟

سي بور سا اليوم أنا هنا
موضوع حرفي
ستيلو بالدارجة يحكي
درنا التمسخير في وقتو درنا قدر للكبار
قالي راسي نقول
وراني حا نقول :
أقراوه بيا
::::::
لوكان ما جيتش أنا
واش راح نكون مالا
واش راح ندير و واش راح يصير هنايا
لو كان ماجيتش أنا في بلاصت أشكون راح نكون
طلع واش راح ندير واش راح نهدر واش راح نقول

أيــــــــــــــــــــــــــــااااا

لوكان ماجيتش أنا مانعرف وش راح نكون
بالاك عبد نورمال بالاك عبد مهبول
بالاك نكون باشع كيما كان فرانك أينشتاين
بالاك نكون قاوي و مخ كيما أينشتاين
راسي يولي كبير و الفهامة منو خارجة
بلاك نولي نخربط كيما أنايا دركا
بالاك نولي شاعر كيما الغانغجينكزبير
بصح الحكايات اللي نكتبهم الكل باسلين
نحكم روميو حكايتو نعوجها
تولي عندو عقلية تاع عمار قتلاتو الرجلة
حتى صاحبتو "جوليات" نقلبها طايرة
تروح للعراس وتشطح كيما الشابة خيرة
خسارة راني تقيل لوكان جيت خفيف
نلبس ديما السيرفاتمو ونبان باللي سبورتيف
هاكاك نولي ناكسيليري كيما مورسلي
راني صحيح عليه وشنو رجليا شويا مقوسين
بصح ماعليش سي با غراف نورمال
باش نجري كيفولازملي نحي المرارة
نعود نزيغزاغي كيما زيدان ولا زيزو
ندريبلي ونزيد نزوق باللي كوتزيزو
يعطيوني بالو تاع دهب مام سولي تاع الدهب
نولي نتباع ونتشرى
الفرق تحوس عليا يخدموبيابوريكسبور
بصح مانقدرس خاطاك عندي واحد الكور
فـــــــي رايك : لوكان ماجيتش أنا أشكون راح نكون؟؟؟
.
.
.
.
.
.
.
.
.
.
.
لوكان ماجيتش أنا ....صعيب هاد السؤال

أتخيل أنا هو اللي نقدم النشرة تاع الـ8 تاع الليل
علابالي مانقدرش ، لي كاميرا رايحين جايين
يطلعلي الغاز
العباد اللي كيفي آم هايجين
نخاف نجري وراهم نخربطها ونريسكي
نخلطها كي التشكشوكة تاع السيدة أرزقي

مالا شوف ، لوكان جات الدنيا دنيا

أنا هو اللي نقدم النشرة تاع الـ:8
نشوف معاكم كل يوم بنص عين
نعوج فمي ونقولكم مساء الخير
و إلا ماصلحتش نعاود نقدم هاداك البرنامج تاع : عايلة هايلة
وكي نقدمها سي سور راح تولي هاملة
خاطاك في النهاية أنا هو اللي ندي الكادو
ندير النميمة نخلي العائلتين يتعاركو
دبزة ودماغ اللي والا يدي بوندا
في بلاصت الأسئلة ندير الكومبا تاع جاكيشان
ونتحاوز في هاداك اليوم
فـــــي رايــــــــــك : لوكان ماجيتش أنا أشكون راح نكون؟؟؟؟؟

ههههههههه في الآخر أنا هو أنا
و راني راضي بالشي اللي راني عليه
ناس ملاح ، زوالي ..........قول واش تحب .....هههههه

أرجو أن ينال الموضوع إعجابكم
أرسل لكم تحياتي الحارة

hhhhhhhhhhhh
mziya li jit nta houwa nta hhhhhhhhh LOoOoOL
mrc mostafa 3la mawdou3