احلى النكت الجزائرية تموت من الضحك

احلى النكت الجزائرية تموت من الضحك
1. واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح
2. كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي
3. واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا وقال: عندك قهوة باردة؟ قالو: نعم, قال: سخّنها وجيبهالي
4. مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص
. 5. في ليلة كان ربعة من ليجون يتمحششوا {{{يزطلوا ]}}}ورا باطيمة{{{عمارة}}}وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب..
.6. وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد دينار وحطو في النص وقالو زيدني قهوة
7. هدا واحد يهجّي الهدرة بزاف في كل مرة يروح للقهوة ويقول للقهواجي: أعطيني ققققققـ.... ومايجي يقول قهوة يغلق مول المحل ويقولو ولي غدوة,ودايما تسرالو هكّا, وفي نهار قال لازم نبدا نوجّد الكلمة في الليل وكي نوصل الصباح نقولو, وفعلا بدا في الليل يقول: ققققققققـ... وفي الصباح مع وصل للقهوة قال: قهوة أعطيني, دار ليه القهواجي وقالو: انعم خويا؟؟
9. واحد قروي شاف امو حامل قالها هدا شكون قالت خوك قالها وعلاش كليتي
10. واحد عندو دراجة .كان في الطريق يرفع العجلة فاستوقفه شرطي واعطاه بروسي و كتب فيه محاولة طيران
11. مشحاح طاحت دراهمه من التاقة. كي نزل ما لقاهاش. ليش؟؟؟؟ لأنه وصل قبلها.
12. وحد مستك راح لحنوت و حب يشري حليب. قال للبياع "أعطيني عصير بقر يا خو"
13. وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
14. واحد كان يتفرج في وحد الفيلم تع الماريكان
كي خلاص الفيلم بدات تطلع الكتبة
جازت وحد الكتيبة فاتو قبل ما يقراها
طلع عند جارو الي يسكن فوقو وقاعد يسنى فيها توصل
15. واحد طلع في الكار وكان لا بس سباط تع 3000 الف
وحد العجوزة عفست عليه
قاللها الحاجة نحي رجليك راكي معفسة على 3000 الف
قاتلو: وين راهم. طاحولي ليا
تحيااا النكت الجزائرية من يقرأ ولا يرد انشاء الله يموت
ههههههههههههههههههههه

شكرا مي اتا عندي نكت على صاب القندورة بحيث راح لواح مشهور بسرقة القماش بحي كان كل واحد يروح ليه يخيطلو لباس قصير او ضيق قللهم هاد والله غي نحيلو هادي العقلية راح شرا قماش باش يخيط قندورة وكي حاط القماش قالو الخياط تقدر تروح وكي تولي تلقاها واجدا قلو لا معندي حتى شغل نبق معاك حتى تكملها
وبدو يحكو معا بعضهم وبدى الخياط قلو اذا عندك نكت قلو الاولى قلو هادي عيانة هاك الاولى نتعي ايا كي حكلو الولى قفلو ونحى شويا من القماش ديالوو وقلو صاحب القندورة زيد وحدة وهاكذا زاذ سرقلو القماش مي من بعدها قلو لوكان غير تزيدلي نكتى اخرى جوابو الخياط قلو اواه لوكان نزيدك وحدة تخيك القندورة قصيرة

هههههههههههههههههه

نكت رائعة تسلمي

ختي رشا

بارك الله فيك

شكرا الك نكت روعة تسلمي

مشكووووووورة قلبوووووو نكت روعه الله لايحرمنا من مواضيعك

شكر على النكت

marci bazf

احلى النكت الجزائرية تموت من الضحك
marci

marsi bzef bzef hhhhhhhhhhhhhhhhhhhhhhhhhh machkoura

marsi walah la noukta jmila

ههههههههههههههه

شكرا لكم على المرور في موضوعي

hhhhhhh marci manal

» احلى النكت الجزائرية
» النكت الجزائرية
» رساله حب تموت من >][ الضحك
» ادخل وستمتع راح تموت من الضحك
» اسئله تموت من الضحك للبنات ههههههههه