قصيدة عن الوالدين

اليكم قصيدة اتمنى ان تنال اعجابكم

أطع الالــــه كما أمر ... واملأ فؤادك بالحذر
الدين حـــــق واجب ... نور البصيرة والبصر
حـــــــافظ عليه فإنه ... نعم السعادة تدخر
وأطع أبـــــــــاك فإنه ... رباك من عهد الصغر
واخضع لأمـك أرضها ... فعقوقها احدى الكبر
حملتك تسعة أشهر ... بين التألم والضجر
فإذا مرضـــــــت فإنها ... تبكي بدمع كالمطر
فأطعهما وقرهـــــــما ... كيلا تعذب في سقر

شكرا جزيلا على هذه القصيدة الرائعة
وردي هذا سيكون أطول من موضوعك

الوالدين(الأم)

يكذب عليك ،يلعب بيك يتمسخر بيك اللي يقولك في هذه الدنيا كاينا حاجة خير من والديك ،
مكانش منها الهدرة هذه جامي تمنها ،
سورتو الأم في هذه الدنيا حاجة ماهي خير منها
هي رباتك جامي خلاتك ، تحب تعرف القصة ديالك روح سقسي خاوتك اللي عداوك
يقولولك الحكاية طويلة ، منين حا تحكي من نهار اللي بديت تمشي ولا من النهار اللي بديت تحبي؟ ،
كي تبكي ترضيك ، كي تجوع تغذيك ، كي تبرد تغطيك
و ف-ي الليل ديما تدني عليك ،
ديجا ، قبل ما تولدك شحالسوفرات،بسِيف لا ترقد ،
آيبورتون جامي شكات
تهز يديها إلى السماء وديما تدعي ،في قلبها ثلاث كلمات يا ربي احفظ لي ولدي ،
!!!!!!الخير هذا باه نرجعوهموحال
مالا مادام كيما هكذا نروحوانقولوا لأمهاتنا :

" ماما ، أنايا نموت عليك ، ماما ، أنايا نخاف عليك..."

رغم أن الأعوام تعدي الأم تبقى تتبعك ،
حتى لكان تكبر الأم تبقى تشوف فيك مازال ترضع في صبعك ،
بالنسبة ليها أنت ديما طفل صغير ،
مهما تدير فيها تلقاها تحبلك غير الخير ،
الناس تحسدك ، الناس أكل تبخلك ، هي الوحيدة في هذه الدنيا اللي جامي تخدعك ...
زيــــــــــــــــــد خمم لي سوفونير ضرك يجيوا
أتفكر بكري خلاه كي كنت تمرض بالحمة ،
أشكون اللي داواك ، أشكون اللي سهر عليك ،
كي تروح تسافر قولي أشكون يخمم فيك ،
و الشيء اللي يُحَيٍِِِِِر كي تكون بعيد عليها ،
تصرالك حاجة هي تتحس بيها ،
كيفـــــاه؟ مانعرف ؟
أشكون اللي قاللها يقولو ناس بكري آي الكبدة اللي تخبرها
على هديك الأم نعمة من عند المولى
مدام كيما هكدا روحوا قولوا لـ : ماما :

" ماما ، أنايا نموت عليك ، ماما ، أنايا نخاف عليك..."

الأم نقولك : حاجة ماتفناش لكان راحت عليك سي سور ماتخلفهاش،
على جال ولادها ، هي تمد الروح اللي فيها ،
دوماجكاين عباد مايعرفوش القيمة تاعها ،
كاين اللي ينارفيها ،كاين اللي يعيط عليها ،
كاين اللي يديها لدار العجزة و ينساها ،
كاين اللي يجرحها بكلمة تخرج من فمه ،
خسارة ، كاين قداه نواحد يضرب أمو ،
خاطاك مش راجل ، والو ما كاين في قلبو ،
تخمم عليه كي يتقلب وحدوا في قبرو ،
دمك من دمها ، لحمك من لحمها ،
الرسول قال باه يحبك ربي لازم تحبها ،
حتى لو تروح للحج وتدير 40 عمرة ،
اللي ماترضاش عليه أمو مايعولش خلاه على الجنة ،
بالاك يربح الدنيا بصح الآخرة :لالالالالالالالا
مدام كيما هكدا روحوا قولوا لـ : ماما :

" ماما ، أنايا نموت عليك ، ماما ، أنايا نخاف عليك..."

إذن : حاولوا إرضاء أمهاتكم(كن)........