واش من صيام يرحم باباكم

السلام عليكم يا اهل البيت واش راكم نتمنى تكونو بخير ونتمنى تكون استعديتو للصيام برمضان واش من صيام يرحم باباكم Wink

المهم رانى جاية نحكى اليوم على اخطاء شائعة فى رمضان يفعلها المسلمون فى الغالب
ندخلو فى الموضوع
.............................. ........................
المهم:
تلقي الواحد كى يبدا رمضان ياك _هو ولا هى _يكون صايم ومش حاب يخسر صيامو ايا تلقاه غالب الوقت عاطيها للرقاد واش من صيام يرحم باباكم Glare

وتلقي الناس قبل الافطار تقل ذنوبهم على خاطر ما يهدروش فى الناس سيرتو النسا واش من صيام يرحم باباكم Heh

ايا العباد راهم صايمين اللى صايم عن الدخان واللى صايمة عن النميمة واللى صايم عن الحكى مع فلانة حبيبتو ولا ما نعرف(لاخطر فى رمضان حرام!)وهى تانى تلقاها ما تحكيش معاه تقولو حرام فى رمضان واش من صيام يرحم باباكم Glare

واللى صايم عن الفيديو كليب واللى صايمة او صايم عن الاغانى واش من صيام يرحم باباكم Mellow

ايا كى يجي المغرب ياذن والناس تفطر يفطرو فى كل شئ كانو صايمين عنو تلقاها تقول بسم الله(باه تبدا النميمة)وهو يقول بسم الله باه يشرب الدخان واللى كان صايم عن الحكى مع......وهى تانى

ايا وفى الليل تلقى ال ام بي كات والغنى ياك فطرو ماشي حرام! واش من صيام يرحم باباكم Wink

ايا وكى يخلص رمضان تلقى اللى كانت دايرة الحجاب على بال رمضان تنحيه ياك سايي رمضان خلص ما هوش فرض! واش من صيام يرحم باباكم Scared

ايا واش رايكم؟؟؟؟؟؟؟؟؟؟؟؟ واش من صيام يرحم باباكم Heh

هؤلاء هم الذين يعبدون رمضان
ياجماعة كونوا ربانيين ولاتكونوا رمضانيين

كما قال لك الاخ على الناس ان تعبد الله وماهو حرام في رمضان هو حرام في سائر الايام وليس حكرا على رمضان
ربي يهدي ما خلق

مشكور علي المرور

هههههههه
و الله ايلا عندك الحق
جبتيها 100 بال 100
الله يهدينا

شكرا سارة على الموضوع الجميل كجمال حضورك

حقا ما شفت والو بهاذي الكتبة لازم تبدلي لون تاع الكتبة غير ربي عميت

لالا بعيد الشر عليك ريم رشا واش من صيام يرحم باباكم 143699

السماح

مشكور علي المرور
واش من صيام يرحم باباكم 649953

صح عندك كل الحق حبيبتي
مرسي

مرسي ع المرور