مصيبة الزاوج.....................

نصحوني اصحابي مرة بالزواج .....وقالوا لي بركاك من التعواج
راهي رايحة ترميك الامواج ....اذا بقيت في بحر لعزوبية
بقيت في الليل نطلع فالحساب......ولقيت كلامهم صواب
وفي الغد بعثتهم نواب .......يطرحوا لاهلي القضية
بابا وافق في الحال ......وقال جيبوا بنت الخال
ويما جاها في البال.....تخطب لي وحدة بدوية
تفاهمنا على بنت المدينة ......قالوا راها فاهمة ورزينة
راهي تخمخم في الكوزينة ....تطبخ طبخات شهية
عولنا قصدنا الدار....حاملين في يدينا النوار
ودرنا رواحنا زوار .....قاصدين البنت المعنية
الراجل يشكر في بنته و يزيد.......قارية ما تركت مسيد
وصحيحة كالحديد .....بنت العلم والتربية
قلت واش هي الشروط ...راني صرت بيكم مربوط
ومالي عندكم محطوط .....ونزيد لكم الشهرية
قال لي يا وليدي سجل .....عشرين صباط باش تبدل
وخمسين سروال مفصل ......ويكونوا ضيقين شوية
وزيد كيلوا ذهب صافي ......وتجيبوا وانت زاهي
والشنتوف ماهو كافي ......راني درت فيك مزية
بنتي راهي غالية وشريفة .......ماتتركش يديها خفيفة
عشرين خاتم في قفيفة.......وتحطهم في يديها هي
كرفاش بولحية ماتنساش ....والمليون لازم يكون معاه
والحايك لازم منو تلقاه .....وتقدموا لبنتي هدية
قال لي اسمع يا سي موح ........بلاك تنسى خيط الروح
باش يزيد لبنتي في الروح........وتبقا ديما حية
تشري لها عشرين لكباش ......والدجاج المشوي ماتنساش
جابو لي العروس للبيت ...وكي شوفتها من الخوف بكيت
قالت لي لازمني نبقى حرة .....ويماك لازم ترميها برة
وما تكثرش من الهدرة ......راني طفلة حضرية
قالت خف اطلع البرمي .....قلت يا امراه لازم تفهميني
ترفدي حوايجك وتلمي ......وتطيري اليوم علياا

hhhhhhhhhhh

مصيبة الزاوج..................... 4477

مشكورة على الموضوع ههههههههههههههههه مصيبة الزاوج..................... 4477

لا شكر على واجب

مرسي حبيبتي على الموضوع

merciiiiiiiiiiiiiiiiiiiiiiiiiiiii

زائر

شكرا حبيبتى على اغلا موضوع