حنايا ولاد النجمة والهلال ولاد الرجلة والهدات

من الشرق للغرب ، من الشمال للجنوب
حنايا الكل كيف كيف راح ياكلنا تراب ودود
راني نحكي على الناس الكل ماعندي حتى فرق
في التاريخ ولا في العرق
و إلا حكمك القنط روح أقرا سورة الفلق
كل واحد فينا تخلق غير من نطفة ومن علق
نحكي على الولايات من الجهة هادي للجهة هاديا
نجاهد بجهدي باش نحي الجهوية
خاطاك الجاهلية آيجابت طبقات
نساو حنا من آدم و آدم من تراب
نحكي باللغة تاعي : الدارجة لعجب
هادا ديالاق ديراكت مافيهش لغة الخشب
مالا شد واسمع الأسرار تاع أقوالي
وكلامي روح أقراه مع نزار القباني
نحبك تفهمني آني نقولها بالقبايلي
خويا حدري ماني هادوما ولاد بلادي
بالنسبة ليا الماتريكول معمول هاكاك

حنايا ولاد النجمة والهلال ولاد الرجلة والهدات

ليستوار صايي فرات آيمركات اسمنا هنا
بالستيلو تاع بن باديس والسيوف تاع الكاهنة
و الكوراج تاع الشاوية
مالا أتوله معايا يرحم العباد هاديا
اللي ماتو في الثورة ولا اللي ماتو على الديمقراطية
القضية هادي تاع نيف قدر وقيمة
على هاديك ولاد بلادي راني نحكي عليهم ديما
نحكي على الطفلة ،
ماتهمنيش سمرة وبيضا
المهم بقيمتها بقرايا ولا خياطة
نحكي على المرة اللي تعيش ولادها بالبونسيون
و الطفل اللي يسهر باش يجيب الباك أفاك مونسيون
ونحكي على اللي خاطيهم خاوتنا حنا
قتلوهم أيادي الغدر بالظلم كالخونة
نحكي على اللي يحب البالون
اللي يحب لي ماتش
اللي يروح ديبلاسمون مع ليكيب ومع الغاشي
اللي يسوطي على السور وجامي يدخل على القيشي
هادو هوم ليزالجيريان
فينا العاقل فينا القبيح
فينا المارق فينا البيا
فينالمون ، قابلين الكل نموتوا على العلام
خاطاك أوفون هادوما ولاد ولاد ولاد .....
ولاد النجمة والهلال ولاد الرجلة والهدات

ههههه ........ رانا كامل خاوة

تقبلو فائق احترامي فراشة

يعطيك الصحة يا مصطفى ولا نقول يعطيك الصحة يا لطفي
ههههههههههه

شكرا جزيلا على المرور

واو موضوع روعة مصطفى عندك مواضيع وشحال شابة شكرا لك وجزاك الله خيراااااا

كما هداك الجزائري لي قال للمصري علامكم فيه نسر يطير
قلو المصري يطير
يطيتتتتتتتتتتتتتتتتتر قول انعم يطيييييييييييييييييييييييييييييييييييير
واش يقول الجزائري قلو مام يطير ميلحقش على النجمة الهلال مام يطير ميلحقش على النجمة والهلال

شكرا اخي على الموضوع
مي انا معنديش بغض لاي دولة عربية وسلمة كما الدولة الاجرى ولي لازم تتكره هي اسرائيل هي الدولة الوحيدة لي بغيا تلعب برجلين الدول العربية وتجلق فيهم روح الكرهية وتفرق الوحدة نتاعهم

» من هو أوسم لاعب جزائري